抱著冒險精神，我最鐘意試新嘢，尤其喺新餐廳無論食物質素或服務都相對有誠意，最近喺深水埗試到一間新開西餐New Order相當有驚喜，環境是英倫小店格局，燈光昏黃有情調，舒舒服務同朋友見面聚會一流。

3道菜晚餐連咖啡/茶餐飲$200有找，頭盤絕對唔馬虎，活藍青口成本貴，存放室溫易死，死掉的就會傳來一陣臭味，所以揀料時要細心，餐廳用牛油及白酒煮熟，又香又惹味，份量夠多，吃得相當滿意。

主菜煎鴨用上匈牙利鴨肉，質感軟滑，鵝肝煎得外層香脆，香氣突出，大廚更用橙汁做醬汁平衡了鵝油的油膩，同時意大利飯吸收醬汁，更加美味。

另一款主菜豬扒，超厚切質感一流，驚喜位在於咁厚嘅豬扒依然煎得外脆內軟，肉汁出奇地香濃，肉質軟嫩，相當稔滑可口，值得一讚，配燒菠蘿蘋果醬感覺清新。

廚師每日親自去街市揀料，兩隻大蝦用牛油煎得連蝦殼都特別香，闊條麵掛汁一流，啖啖濃香忌廉汁更加惹味。

最後來一杯回魂啡，甚有水準，深水埗高質西餐一向買少見少，New Order 菜式賣相靚、味道清新有驚喜，算是區內極具潛質西餐，期待下次再來有新驚喜。