古語有云：「其實自已一個更開心，使乜你講」

有時候搵旅遊腳都唔容易，其實自己一個去獨/毒遊，又有乜好怕喎？就到光棍節，等我俾啲建議大家！秋天嘅北京天氣勁好，清涼乾爽，今次獨自出走，好彩今個旅程遇唔到霧霾天氣，仲俾我見到藍天白雲，可以去多啲戶外。

今次住嘅酒店超正，連Plan行程都慳返！北京CONRAD康萊德酒店新推出1/3/5個小時的免費本地遊，只要喺酒店住客就可以享受到呢個服務，全程有導遊帶領，坐酒店專車去玩。

行程設計幾特別幾有心思，體驗到北京城獨特嘅一面，又可以短時間內認識中國文化。呢個本地遊服務喺全球CONRAD集團都有，最啱獨遊人士，唔使搵伴都有人帶你周圍去。

免費北京遊詳情：
1小時行程—DIY中式古典風箏
3小時行程—去大董烤鴨，學北京填鴨多種食法
5小時行程—遊覽紫禁城

 

今次獨霸一間Executive Suite，唔只有靚裝，仲有靚景，望住北京最高建築物中央電視塔，夜晚閃吓閃吓，份外醉人。

世上最幸福的小事莫過於瞓完個好覺，朝早落餐廳嘆返個自助早餐。北京CONRAD的Chapter餐廳以圖書館做主題，燈光同落地玻璃採光做得好好，靜靜地享受一個人的早上，感覺好Relax。

把握時間出去闖蕩，各有獨/毒遊人士可作參考
【9:00AM 】晨早去天壇參觀，唔少公公婆婆都做緊健身運動，仲可以睇到大媽跳扇舞！
【12:00AM 】去798藝術區欣賞中國現代藝術，做做藝文青，與心靈對話
【3:000PM】 坐人力車漫遊后海，睇老胡同，感受老北京

今次快閃「毒」遊北京時間雖短，但印象相當良好，其實一人之旅又易成行，仲有機會喺旅程上識到唔少人，光棍們絕不愁寂寞。