雖然已經到咗十月，但係要抓緊夏天的尾巴都唔係冇可能嘅，食返個夏日Must-eat甜品就得啦！來自日本的I Cremeria的「日本直送Deluxe蜜瓜芭菲」，喺剛過去暑假就至多人談論，賣相夠搶眼，親身試過蜜瓜的確係超甜、多汁、鮮香集於一身，雪糕的牛奶味極濃。

I Cremeria的蜜瓜標榜是使用源自日本高知縣的特秀溫室蜜瓜，原個單賣$780/個，用原本禮盒裝着更見高貴。「日本直送Deluxe蜜瓜芭菲」定價$220，但足足用上半個溫室蜜瓜，有人會覺得定價偏高，是否值得就見人見智，但我就覺得好抵食啦。

現場同時試了3款尖沙咀店限定的甜品，包括高知縣莓冰、高知縣茶冰、以及廣島縣柚子冰，兩款生果冰都味道都相當清新，茶冰回甘甚為解渴，一次過食勻幾款招牌名物，好滿足呀！