想去東南亞旅行嘆世界，但冇假點算好？兩日一夜就OK，假都慳返。一踏入澳門BANYAN TREE酒店間套房就聞到去泰國做SPA的香薰精油香氣，喺房內私家恆溫水池浸浴，水池大到足夠讓我平躺輕浮在水面，超爽，超Relax！南洋風的套房有100平方米，浴室有巨型木桶，張床好舒服，第日瞓到自然醒，就可以玩盡銀河最新的天浪淘園。

天浪淘園是今年夏天全新開幕的玩水天堂，全城焦點放係玻璃底的空中激流，部份位置較激，部分水流較慢，喺呢區就要爭取時間影相，亦都好適合一家大細嚟玩水。最貼心的是玩激流的途中有射水裝置和遮蔽位置，免長時間暴曬乾煎，再玩隱藏係石洞的滑水梯，三條滑水梯驚險程度唔同，我當然要玩速度最快的橙色梯，尾段突然加速好驚險，梯內全黑的紫色梯雖然慢，但全程伸手不見五指，鐘意刺激的人必要一試。