【Jerry.C 謝利｜十月秋日周末登上獅子山】

有時候即興比計劃來得更有驚喜，獅子山，話行就行，Let’s Go！
即興搭車入沙田坳沿獅子山郊野公園的梯級上行，上山的梯級是頗多的，但一路睇住九龍半島同埋飛鵝山全景分散一下注意力，輕輕鬆鬆就行到山頂。

平時只能離遠望呢隻獅子，上到山頂當然要同佢嚟個Selfie，獅身、獅峰、獅尾，絕對可以嚟個Selfie放題，但要攀獅子頭，就絕對需要注意安全。除咗手足並用，仲要走過獅身的狹窄通道和崖邊，才能終於見到獅子頭，只能夠遠觀，獅子面形輪廓的確係幾神似，令獅子的耳朵更突出，眼睛深邃，加上岩石的泥黃色令它更加像真。全程大約3個鐘，秋天來到了，不妨試一吓呢個最平靚正的本地遊。