果木 x 烤鴨可以有幾好味？平時食開港式燒味大多數喺用太空爐電烤而成，今次嚟到深圳Grand Hyatt的1881中餐廳，大愛它的招牌菜老式果木烤鴨，特別選用水果木及特製的石爐燒鴨，水果木的香氣寧舍氛芳，油煙較少，加上石爐溫度高，令燒鴨的外皮特別香脆，有果香，一入口鴨皮下的脂肪立即融化，鴨脂極香！鴨皮更加脆到好似食薯片咁！

必點的有另一款三鮮鍋貼，粉漿濃稠度調較得剛剛好，廚師喺煎焗時淋上粉漿，反轉時就會出現蜂窩狀的金黃色薄脆，賣相一流。1881甜品精選有齊幾款選擇，一次過滿足晒幾個願望。其他幾款前菜蜇頭百葉絲、芝麻菠菜、口水雞、奉天豬蹄都開胃好吃，呢間酒店除咗住好Spa好，連食都好Good呀！